出發～！

由有Working Holiday哩個念頭到聽日真正出發，相隔半年左右，真係話都無咁快。

有哩個諗發，搜集資料，申請，驗身，批visa，plan行程，買日用品，買機票，辭職，同親戚朋友食飯，出發。唔覺唔覺，都已經做左好多野，好好彩，暫時所有野都非常順利。


同唔到你食飯的朋友，真係萬分過意唔去，因為真係抽唔倒時間，返來一定同你食番～
同我食左飯的朋友，好多謝你肯抽段時間比我。感激～


初時我覺得，我無咩放唔低。
事業？放得低。愛情？無，所以放得低。家庭？佢地支持我，所以放得低。
但到最近，我先發現，原來好多野唔係我放得低，而係我一直無察覺佢地的存在。
我相信跌過先知痛，我相信有ｄ野失去過先懂得珍惜，所以我要去睇驗一下失去一些東西的感覺。哩個係消極定積極的做法，視付你點睇，但起碼我行出左一步，去尋找自己，尋找自己一直擁有的東西。


之前的所有都只係準備功夫。真正的旅程會係明日展開，希望大家繼續支持我，繼續睇blog，繼續留言～～ :D