買買買~

Notebook最後都係襯大學開學有推廣活動的時候買...呵呵~ 用左8200買左市價12000的Lenovo ThinkPad x61~ 係哩度一定要多謝 貓喵貓喵 同埋佢好朋友Ming姐~~感激~~!!


係17號星期一的WHV People聚會認識左Sindy同Nick~
一位係讀完書後為左去WH而努力工作的後生女(係度扮下老先，哈哈~) ~
另一位係獲得佢親戚公司同意停薪留職的朋友仔~
當晚好好傾~~差不多到11點半幾先走~重要未食飯..@@
Sindy後來介紹左間係公司附近的舖頭仔，專賣行山縷，褲同襪~~好平!!
買左件"哥踢屎"防水防風外套同埋防水褲~ 只係用左$570~ 抵到爛~~
已經親身證實助防水的~哈哈~

有興趣可以睇下哩條link：
http://www.travellife.org/viewtopic.php?t=19819&postdays=0&postorder=asc&start=0


整整下又好似夠$買相機... -.-""
忍忍忍忍忍......

信念，時間，戰爭

星期六晚同最要好的朋友去左尖沙咀亞士厘道飲野傾計。

一論寒暄後，一向比我感覺係語無倫次的Robbie，提出了一個問題：大家的信念係咩？
幫左別人，享受生活，世界和平，其中3個朋友擁有3個清澈簡潔的信念，而我同表哥仔的信念好模糊。的確，一路以來我都覺得自己好有計畫好有planning，但其實只係一個一般人會走的方向，我只係將佢copy過黎。細個喜歡玩電腦，對電腦的認識比一般人多，順理成章讀電腦，做電腦。雖然唔係唔鐘意，但哩樣野變成左個框框，電腦野以外的，一竅不通。
Martin係好耐之前，已經提議我打破哩個框。當初唔係好明，一直過緊好有規律的生活，番工打波番學食飯打機訓覺，好好地做咩變？但最近開始慢慢睇到個框，開始發覺自己一路都只係一隻井底之蛙。打破框框，並非摧毀所有規律，而是打破其中一角，讓新鮮事物進入，擴闊井口，見到更多天空。
聽過一班好友的說話，我開始找到自己的信念，我要挑戰自己，讓自己學得更多，不再只係沉迷電腦虛擬世界裡。


當晚表哥仔亦提出左一個問題：1天24小時，扣除訓覺時間之外，你覺得有多少時間係屬於自己？
當大家都係將工作回家後的1-2小時當係自己的時間時，我覺得大部份時間，甚至我番工的時候，我都係做緊自己。唔知點解，可能因為每一個決定都係我自己做，行邊步都係自己話事，我掌握我自己意向，所以我係做緊自己。當然，我份工可以隨時唔做，我當然可以有好大自由度。
唔知大家又會點答哩個問題？


最後大家傾到關於戰爭。大家都認為會係有生之年經歷戰爭，而且係貼身的戰爭。Martin會形容為任何現在所擁有的知識都會變得一無所值，所有人會只為基本求生而生存。我亦有同感。每個世界大國，都好似將一把拉得好緊的弓，對準其他大國，如美國，伊拉克，中國，俄羅斯等等。萬一其中一方一時鬆手，就會引起連鎖反應，世界大戰一觸即發。
而更令我擔心的就係全球暖化，我覺得現在這刻的地球，已經惡化都去一個不能回頭的結果。

算吧啦，可以做的又有幾多？

Update

今日落旺角睇電腦。

IBM x61 - Core 2 Duo 1.83Ghz, 1G Ram, 120GB HD, 無DVD Rom，1.43kg，4cell電 - $11988
Samsung差不多configy有dvd重d - $8880

http://www-07.ibm.com/lenovoinfo/hk/special/index.html
http://www.samsung.com/hk/products/notebookcomputer/q_series/np_q45.asp

臨走國美sales話送夠2g ram比我....好吸引。
不過可以等到11月先，希望到時再平d。


之後無意中見到Mammut(瑞士犀牛牌)開倉做promote，上去睇中左個60L背囊，$1580無折..shit +_+"
個sale見我有興趣，又窮到膿咁，靜靜雞話我聽10月果個袋都會有6折。惦~呵呵~等下先~
上到去買左頂帽，輕，放uv，有塊野遮埋條頸，$323 6折，$193.8，正~
d衫褲鞋襪都有折~有興趣可以去睇下~
























update左左面個list，notebook改為分期，感覺上少野好多，哈哈~

小不忍則亂大謀

我忍。


同親屬朋友傾開工作假計畫，普遍都獲得支持，感謝。
大家都不約而同為我的工作擔心，其實，哩個係其中要上的一課。

一個人，浪蕩異國，毅然到一個陌生地生活一段時間，需要的除左勇氣(或稱"傻勁")，還需懂得自力更新。除左工作，食宿都係一個值得擔心的問題。哩兩樣野，未親體驗過，唔可能知道甚至想像有幾困難。但大家唔需要擔心，我有信心我做得到。如果自己都照顧唔黎，點去顧別人？

上星期Perry借左本好書比我，浪蕩澳洲365天 - 歐泳櫸 ，講述作者用港幣6000元係澳洲生活一年，經歷失業，低薪，歧視，錯折，孤獨，想家，到轉機，交友，戀愛，放蕩，自由，無拘束的生活。當中一句："Do the best, prepare for the worst" 已成為我黎緊旅程的基石。


林輝，其中一篇序的作者，講了一個故事：

富和尚和窮和尚

　　『富和尚和窮和尚，兩個都想周遊列國，

　　富和尚說：「我還沒有作好準備，等我買了馬車、再有兩匹好馬，加上車伕和沿途的盤纏就出發。」

　　窮和尚只有一頂斗笠和一雙草鞋，他說：「路上也許苦一點，但我現在就走。」

　　兩年後，窮和尚憑著雙腿，從各國帶了許多經文回來，而富和尚仍在原地準備，始終未能如願。』



你，重等咩？