你，會點處理？

昨日，客人分公司的server出現問題，入唔倒Windows。

那台server行Raid 1(Mirroring)，即係除左原先一隻harddisk外，會又另一隻同時儲存資料。咁做可以避免死harddisk時無曬所有資料。

今日去重裝Windows，途中發現Harddisk有問題。安裝速度比正常慢超過一半。停用其中一隻harddisk後速度就復正常。好自然，我會如實向客人報告情況，其中一隻已壞，雖然不影響正常運作，但要更換避免後備的harddisk都死埋。客人都無異議。

一齊好順利，直到一個來電，老闆的來電。

老:"Alan，你話比佢聽兩隻都壞曬，兩隻都要換。"
A:"但係另一隻無事架喎。"
老："得架喇，你照同佢咁講啦。"
A:"咁佢實會問點解重work架喎？"
老："你話佢聽有問題啦。"
A:"但係另一隻真係無事架喎。"
老："得架喇，照同佢咁講啦。"
A(把口):"哦。"
A(個心):"吊。"

坦白講，我第一個好直接的感覺，係佢想坤客人買多隻Harddisk。

佢可以講話兩隻Hardisk同時間買，一齊死的機會頗大。佢咁講我覺得正常，因為都係事實。但可惜佢無咁講。

佢如果直接同客人講，話我check到都有問題，兩隻都要換。得，我唔會理佢點同客人講，客人唔搵我我就理鬼得佢。但係問題係客人會直接同我傾，問我check到咩問題。自問唔算好人，但係哩單野明坤客人的我做唔出。

佢放流料比客人比我都算，但係要我講大話(誇張d：詐騙)，sorry，做唔倒。


好在對多個幾月就走得，不過衰在，重要對多個幾月..... 唉...