背囊，太陽眼鏡，頭巾，餐具，快乾毛巾，扣＆繩

先要多謝Eric陪我行左成個下午，佢今日搬屋都專登出黎，重要比左勁多勁多專業意見真係唔知點多謝！



背囊：
deuter Aircontact Pro 60+15

試過好多款哩個ｓｉｚｅ的背囊，得哩個真係ａｒｍ心水。
背起上黎好舒服，無乜邊個位頂住。設計適合我哩類得棚骨的身型～
申長曬成個袋去到我條我腰咁高，裝到唔小野，最正係可以係中間同底部揭開裸野，適合我哩類唔識執野的人。呵呵～



就咁影個袋睇唔倒幾大～找來專業ｍｏｄｅｌ－堂細佬示範下～

係後面望直頭見唔倒佢個頭～哈哈～



太陽眼鏡：
去澳洲的必須品，可配近視鏡的款不多，行左幾次MK終於找到心水。
bolle 10437
戴上之後發覺幾岩我面型～漏好少光～又有得配近視鏡，正！
不過都唔平...





頭巾：
好多玩法～平～



比表哥話似ｇａｙ佬～勁灰～＿～



餐具，快乾毛巾，扣＆繩：






好耐無洗咁多＄ +_+"
下月卡數應該都幾甘....哈哈～


原價所有野HKD2885，實價：HKD2099.6
唔該曬Eric! XD

飯局～

星期二同”是魄力”的會計同事食飯～原先有Joyce C.，Perry L，Catherine W.，同Kitty M..
好可惜Catherine病左，Kitty諗時要ＯＴ，得番３丁友～
去左德福”心泰”食飯～都幾好食～不妨一試～
同Joyce & Perry傾左好多旅行的經驗～搞到我好多地方都想去＋＿＋








星期四就同左VU同學仔食飯～有Eddy，Jasmine，Halina 同 Kennis，去左旺角王家沙～可惜Mick黎唔倒。
食過2次，ｄ野仍然係咁好食～推薦～！
除左我同Kennis外其他同學仔都就黎畢業，預先恭喜佢地。我就因為過澳洲而要再推遲一年先畢業～慘慘慘～不過值得。呵呵～




















另外重要多謝劉EC的一本書～！！



飯局陸續有來，直至１２月３號～呵～


ＰＳ：今日買左好多野，不過好眼訓，所以聽日繼續。

區議會選舉－少少感想。

小弟的選區有兩位候選人，１號爭取連任的獨立候選人Ａ君，同埋２號屬於民建聯的Ｂ君。
住左咁耐都見倒唔少關於Ａ君成功爭取ｘｘｘ的poster，都feel到佢有做下野。相反Ｂ君就只係係選前先聽過哩個名(恕小弟孤陋寡文)。

政綱唔多講，最後結果係Ｂ君以超過6成選票勝出。以下係少少我覺得佢贏的原因：

宣傳勁：Ｂ君的ｐｏｓｔｅｒ重勁過ｗａｌｌｐａｐｅｒ，當牆紙咁貼。投票日前３日，搵人打電話去我屋企，同ｄ老人家講”天氣凍，著多件衫呀。記得星期日，投２號～２號呀～”。投票日上門拍門，”投２號～投２號～”。落到屋企樓下出門口，”投左票未？未？投２號～投２號～”。咁搞法連我明明想投一號都隨時投左２號，何況ｄ老人家～？

李柱銘：唔評論佢講ｄ野有無問題，但係佢講完之後令左派可以大做文章，變相令民主派失分，民建聯加分，某ｄ市民亦會因”漢奸”論而投民建聯一票。

買票：唔係去到刑事果隻用＄買選票，而係搞一ｄ活動比人參與，長州大嶼山一日遊包車包食，順便宣傳下自己。比我係參加者我都會好自然對佢有好感。然後再係投票前話選情告急，叫ｄ人投自己一票，你係當日的參加者的話，唔投就以後無免費午餐，點會唔投？



以上只係小弟少少的愚見／猜測／亂up，唔好諗得太多。

保險confirmed，申請中；新鞋入手～

考慮左三間保險公司，有下列少少意見比大家參考：

保誠－經Travel Life得知佢有提供保險計劃比Working Holiday Visa。由於係度身訂做，所以咩都唔使煩，約ａｇｅｎｔ，簽名比錢就得。不過價格偏高，意外連住院接近三千三百。

宏利－本身係客人的我亦都問左我的ａｇｅｎｔ，類似的計劃只得一個，但由於個計劃一定要提供職業，所以申請唔倒。而價格大概千四五左右，佢價錢都算合理同埋都保得幾多野。如何唔係一定要有職業，我已經申請左。

AIA－呀媽的ａｇｅｎｔ朋友～最平，保障額ｏｋ～最後都係申請哩個。


　


除左要帶對波鞋同拖鞋過去之外，重爭一對可以落田的鞋～
一路都諗住買對行山鞋，最後決定一試New Balance。
試的時候感覺幾舒服，好貼腳～而鞋底ｄ料特別硬，會襟著ｄ。
有人話我去完澳洲對鞋應該可以唔使要，Well~咁就要睇下New Balance 係咪真才實料喇～呵～






澳洲的一年行程已經有個大概，請睇下圖。行程都頗為緊密，亦都有好多地方要去，用係transportation的洗費應該都會幾大。哩個只係好roughly o既 plan，應該會再轉，到時再update吧。


Melbourne -> Sydney -> Brisbane -> Carins -> Darwin -> Alice Springs -> Uluru -> Perth (Depends on time availability) -> Adelaide -> Tasmania -> New Zealand -> Melbourne -> Hong Kong-


檢視較大的地圖





距離出發日子已經不遠，緊張同擔心的心情開始浮現，亦都好開心因為即將可以同好多朋友食餐飯~ Australia! I'm COMING!



PS：雖然工作上有時同老闆唔係好岩key，不過其實佢對我地都算唔錯。。。（因為年尾走都有bonus）呵呵～～

update下先~

最近都無咩特別事發生，都係係到等離職~ 上星期五係我正式的last working day，不過同平時無咩分別，都係要做 XD

值得一提的是，上星期日得到成個旅程的第一筆贊助，要多謝__叔（佢唔想開名喎～呵呵）。買野可以鬆軟ｄ喇～

Webcam亦已經到手，Logitech QuickCam for notebook（＄２６５）。原本諗住買Deluxe板，不過因為要成＄４００，所以無買到。試用後係覺得ｆｐｓ低左ｄ，都幾窒，咪當係用少ｄ寬頻囉，哈哈。





Update住咁多先，今個禮拜應該會忙ｄ，背囊同保險都係ｃｏｎｆｉｒｍ。
到時再ｕｐｄａｔｅ你地啦～

終於有時間update下.... Lenovo ThinkPad X61 & 無印記事簿

期待已久的notebook終於係星期2取機。要再次多謝Ming姐同Mini幫手。哩幾晚嚴重唔夠訓都係因為部新機 +_+
Notebook config 可參考: http://www.lenovohk.hk/cityu/lenovo_x61.html
另加$220加多1G Ram。

跟機係Windows Vista Business，一番到黎即刻剷曬d野，recover一次，咁樣可以將d跟機但唔想要的Software移除，點知Recovery一次等足2個鐘...WTF？! Vista個介面幾靚，不過真係幾慢，成日係background唔知load乜，另外由於我裝左英文版，d中文字真係勁核突。考慮左陣再加上係大佬康同成哥的"慫恿"底下，裝番個Windows XP。裝完之後又再一次有爽的感覺~
而加開始將d MSN，自己d文件，newsgroup等等轉去Notebook，Desktop靜係用黎打機就算~~

另外哩部機都裝左ubuntu Linux，間唔中玩下~
ubuntu 7.10 出左無耐，所有hardware都認到，連Intel 4965 Wireless Lan Card都用到，唔錯。不過由於我想玩Beryl，所以裝番7.04（唔識玩7.10的Compiz)。裝完之後，Auto Update成個System，裝番Wireless同Display Driver，所有野一樣照用無問題~ 不過中文輸入法未得，唔知點解裝裝下hang機 +_+
裝左Beryl的ubuntu重靚過Vista，請睇Video (唔係我錄影架):

片中的效果大部分都已經做到，型爆！最鐘意係個火燒Window，真係好鬼型。
暫時用Windows多，不過可以的話都想Switch過去ubuntu.... Linux rulz!


Overall黎講，哩個機除左個Mon得1024x768細d之後，真係無得彈~尤其係粒8Cell電，尋日6點開始坐sofa，全程Wireless無插電的情況下用到2點，７個鐘，重有10%電，真係好襟用。







Lenovo ThinkPad X61


跟機的Notebook袋。


話說有一日經過無印，見倒哩本鋁面記事簿，就諗起我而家用緊果本＄２０平野。本野個膠面甩色，加紙要鬆開６個勁難鬆的環，加一ｄ係街買Standard的２０孔A5紙唔岩位，好難揭。
見到無印本野即刻愛上左。。。死啦，買野開始忍唔倒手添，呵呵～

加埋個ubuntu貼紙，型呀～ XD




又考試喇～～考埋之後又少樣野擔心～～
不過星期二考，到今日只係睇左５ＸＸ張PowerPoint的１０分之１....重有Passpaper...Tutorial.... 大鑊...+_+