澳元...升......升.........升!!!

係舊年報左澳洲野雞大學之後，澳幣兌港紙已經成左接近17%!!
佢話重有得升喎....不過唔緊要，因為剛剛交完學費.... XD

諗真d，黎緊去澳洲做野賺澳洲紙，感覺上係人工不停升緊....呵呵~
不過最好係我番黎果陣跌番落$5.5，咁我d學費可以有多個"電視框"~ 呵呵~

PCCW Linksys Router

今日去一個新客人度，幫佢起一部Firewall同駁番好d線。
過程大致順利，不過boot起部firewall之後問題就來了~

客人用PCCW 寬頻，隨計劃安裝一個modem及一部Linksys WRT54G Router.
Firewall係普通Dell Desktop PC，無裝OS，用Gentoo Live CD boot 入console然後開ssh比意大利果邊同事做Setup.
話說起好之後，叫果邊試用SSH (Port 22) 入，佢話密碼錯，奇怪。自己local login，無問題播~
睇log又見唔倒佢login，咁佢究竟去左邊？! remote番自己公司試ssh入黎，同一個問題。會唔會port mapping 錯左？但係lan入面又無其他ssh server。熄左部Firewall，再試ssh，connect到! 重奇怪!試完一輪就發覺應該係隻Linksys Router 開左ssh port，於是打比PCCW問。PCCW 的 cs 依慣例話setting"無錯，無問題" ，咁我就話總之port mapping做唔倒，你搵Engineer上黎睇睇吧~


代續...

香港書展 2007

每年出發前都預計自己不會買很多書；
每年身處場館都發覺很多書非常吸引；
每年付款之前都知道自己未必會睇曬；
每年離場後至明年書展，大部份書都只係睇左一半；不過...
到左第二年書展，仍然會繼續買...呵呵~

今年斬獲：
倪匡說三道四 (情話) - 倪匡 - 散文，乜都講~
我們為何在此 - 霍金 - 從科學角度講宇宙誕生~
Whatever you think think the opposite. - Paul Arden - 超正，講一些打破常規而成功的例子~
Australia - Lonely Planet - 講AU的字典，1120頁，為去AU作準備。

原來blogspot 都幾多野玩~

留意左面，增加了題目分類，投票，日子分類，2張相，同底下的人數計~

雖然作用不大，加下新野無咁悶嘛~ 呵呵~~

針灸

星期三比劉醫師吉左三針，原來落針果一下係唔痛的，直頭吉左都唔知。

不過之後醫師刮支針的時候就另一回事。左右手兩針都無感覺，不過左腳那針真係....
落針位係膝頭位，不過後面入。醫師一刮的時候基本上係成條左邊小腿麻痺兼刺痛，好難形容，佢重要刮得好開心咁 -_-"同時醫師亦幫我背部做推拿，原來腰部都已經勞損。估唔到身體機能同實際年紀相差咁大... XD

之後把脈開藥，由頭到尾醫師都非常專業~ 用左佢一晚時間，真係唔知點多謝佢先得~

休息左４日

無初頭幾日咁痛，不過發覺唔識行路。

隻左腳因為伸唔直，行路ｋｅｅｐ住個膝頭彎曲，好難用力，好快”支力”。
右腳亦因此用多左力，又係好快酸軟。

平時過馬路，閃燈都照過，點知尋日就係咁被困中間的安全島。 Well.....


唯一安慰係可以迫自己行慢點。因為有時同異性出街，都感覺佢追得好辛苦，因為我步速真係太快，呵呵～　趁現在，習慣下慢行都未必係壞事。

申請左喇～

終於的起心肝申請Working Holiday Visa~

網址如下：
http://www.immi.gov.au/e_visa/visitors-outside-whm-visa-options.htm


準備定護照同信用卡～
過程不算複雜～
申請費用係 AUD190，噢賣吉。咁就無左兩隻350G的Harddisk.. +_+"

如果你無諗住做特別的工作（例如照顧小童，醫院護理等），一般黎講佢只會要你照肺，如果唔係就可能要驗埋身。

我就只需要照肺就ｏｋ了。
先ｄｏｗｎｌｏａｄ　一張１６０ＥＨ的表格，上面會有你的名和基本資料，填好ｐａｒｔ　Ａ就可以約照肺。

http://www.immi.gov.au/contacts/overseas/c/peoples-republic-of-china/hong-kong/panel-doctors.htm

暫時諗住ｂｏｏｋ　Quality HealthCare Medical Centre
805-6 Wai Fung Centre
664 Nathan Road
Mongkok
Telephone: (85-2) 2390 3398
Facsimile: (85-2) 2391 2839 ( 報價 HK$250 )

其他無詳細問，因為travellife.org有人格過價，不算最平但貪佢方便。

Person 1	Date of birth: Passport No:
05/07/2007	Health requirements outstanding
05/07/2007	Chest X-Ray report required
05/07/2007	Chest X-Ray film required

原本諗住１１月尾出發，不過諗諗下，點解唔等埋雙糧？
不過又唔係做得咁開心，唔想拖咁耐，點算好呢？　真係煩 ~o~"

咁大個仔

坐過兩次白車入過三次醫院。

F5，因為氣胸，番學時呼吸困難，入左瑪嘉烈。訓左一個星期，出左院兩個星期，再入番去訓多兩個星期，好番。

大概3年前，返是魄力途中係太子地鐵站頭暈眼花，睇唔到野，不過清醒。由職員call白車入廣華，醫生話耳水不平衡，打左支針就無事。到現在都無再試過。


跟住就係尋日。踢波，右邊全速爆上去，比人壓身位，"dup"停，失平衡，左腳落地，左膝關節郁左一郁，feel到膝頭"洛"左兩下，訓底，唔郁得。有個中醫波友即刻睇睇，無骨折，不過傷左十字韌帶，坐番埋場邊，波友強烈建議call白車，係我考慮緊的時候佢地已經call左。去到聯合，要等四個鐘，call 老豆搵人落黎，因為波友唔肯走 ( 感激！)。最後呀媽黎到，見完醫生，confirm十字韌帶無大問題，照xray，無骨折，再見醫生，佢話有內傷都唔係即時驗到，要等康復後行路會唔會feel到膝頭關節移位。一點半幾出院，飛的番屋企。左腳用唔到力，著褲都變成高難度動作。睇黎緊住幾日都要同拐杖(其實係行山仗)為伴。

羽毛球無得比賽，無得練波，波又無得踢，慘呀~~!!


玩咩都唔錫身的我係時候要反省下喇。 +_+"

年輕的流浪是一生的養分

年輕的流浪是一生的養分

這句話是林懷民說的。他在推動「流浪者計畫」，鼓勵年輕人單獨出去旅行流浪。從美國留學回台之前，他去了歐洲一趟，走過荷蘭、法國、葡萄牙、西班牙…很多 國家，看到了希臘神殿、回教神廟，雖然當時沒什麼感覺，可是後來他說年輕時走過許多地方的經驗會成為一輩子的養分，視野變寬廣，對世界的好奇度會增加。

而且要一個人旅行，不跟團，沒有同伴做自助旅行。只有一個人的時候，才會有機會可以和自己對話，也才能和別人對話。一個人雖然很寂寞，但卻可以聽 到很多平常不會留意到的聲音，隔壁的人在聊些什麼，廣播在播些什麼，平常的背景聲音全都躍到表面，成為主題。儘管平常都是一個人住在都市裡，但回家就看電 視、上網，光是追趕著潮流就來不及，完全沒時間靜下來思考。在這邊娛樂變少，要看電影、聽新歌、唱KTV、吃美食…抱歉通通都沒有。生活變得簡單，一開始 會覺得無聊，久了就會習慣。一本書一翻在翻，一首歌一聽在聽，每次都有新的收穫，且生活的很踏實。

很多人會問說這樣跑出來閒晃一年，那工作應該怎麼辦？會不會回去成為找工作的弱勢？我記得以前國中的時候，長輩都說，考上好的高中就一帆風順了； 上了高中，又想說考上大學就OK了；上了大學，想著申請好的研究所。然後呢？再奮鬥個幾年，四十歲退休，人生四十才開始是嗎？會不會到那個時候又有人說： 「抱歉，還沒輪到你。」等到視茫茫、髮蒼蒼、齒搖髮禿才後悔總是將希望放在未來，而不是現在，至少我是不想這麼過的。這一年的經驗是否會為找工作加分？誰 知道呢？且它又為何該為工作加分？工作是生活的手段而不是目的。

大部分出來的人都是對現況有所不滿，想要找尋改變的可能性。在台灣，媒體不斷地在製造焦慮，傳達一種成功的生活典範，一切都是如此的理所當然。可 這真是我們想要的嗎？很多人不喜歡，卻不知道什麼才是自己真正想追求的生活。在畢業之際，我也不知道，所以我到了這裡，每天每天想著，漸漸地就逐漸清晰明 朗。一年過後，從澳洲回到台灣，又要再度面對。然而經過這次經驗的洗禮，將更有勇氣去面對挑戰，做出選擇。回想起來，現在那麼辛苦都過的下去了，還有什麼 好怕的呢？

視野變大，有些事情變得沒那麼重要。常常聽到人說，我也不喜歡這樣，可是我沒有辦法。在台灣，的確是很少看到「另類」的生活方式，社會不鼓吹年輕 人該特立獨行，照著既定的模範走就好了。出來走走，看到其他國家的年輕人，每個人的文化、背景都不同，互相交流，激盪出一些火花，才知道原來還有這樣的生 活方式，並不是只有我們在台灣看到的那樣非如此不可。

儘管在台灣強調要有國際觀，放眼全世界，然而其實也只是從美國的觀點在看世界罷了，更確切的說，是紐約的觀點。在澳洲，遇到的背包客也都是外來 者，所以大家都比較謙虛，願意分享，互相欣賞、理解。就算是澳洲人，也沒有什麼自大的意識，也很習慣這種多元文化的交流，外國人在這裡不會有次等公民的感 覺。

話說，為何要申請渡假打工簽證到澳洲來呢？因為這是一種很便宜的旅行方式，參加旅行團不到一個月的支出就足夠在這裡過一年。一生很難得有機會可以 到別的國家生活一年，去體驗當地人的生活，而不只是走馬看花，可以花些時間，慢慢地去與一個地方建立關係，增加對它的了解。可以自己選擇要用什麼方式過完 這一年，住在大城市裡體驗異國都市生活或在各個小城鎮裡留下腳印。所以如果你的年齡還在18~30歲之間的話，不要錯失這個好機會，將這次的流浪排入生涯 規劃當中吧！

Source : http://www.travellife.org/viewtopic.php?t=10573

約個多月前，同細妹老豆講開流浪，佢地都支持這類活動，因為除左可以體驗外國的生活之外，亦係一個鍛鍊自信心的一個好方法。
呀妹已經實現左這個活動，我亦都要開始計劃。
老豆講得無錯，趁屋企經濟尚算ok，趁年輕，趁未有女友，趁有一份可以放低的工作；重唔去，等咩？

網上找到些實用資料~有興趣不妨一看：
http://whs.esdlife.com/default.asp

http://www.travellife.org/
http://wiki.travellife.org/index.php/%E6%BE%B3%E6%B4%B2%E5%B7%A5%E4%BD%9C%E5%81%87%E6%9C%9F